Алматы қ. - Бүгін British Council және GSM Қазақстан/Kcell компаниясы British Council материалдарын пайдаланумен барлық Kcell абоненттеріне ағылшын тілін SMS арқылы үйренуге мүмкіндік беретін "Күн тіркесі" мобильді сервисін ұсынды.

Қызметке жазылу арқылы күн сайын апта бойына пайдаланушылар орыс және қазақ тілдеріне аударылған ағылшын тіліндегі бір сөзді және осы сөз мысал ретінде қолданылған тіркесті алып тұратын болады. Апта аяғында пайдаланушылардың барлығы сөздер бойынша тексеру тестісін алады. Әр жазылушы өзіне лайық: бастапқы, орташа немесе тереңдетілген деңгейді таңдай алады.

"British Council үшін Қазақстандағы үш тілді саясатты жүзеге асыру мақсатында GSM Қазақстан/Kcell компаниясымен бірлесіп ағылшын тілін үйренуге арналған мобильді сервисті енгізу үлкен абырой. Ағылшын тілі мәдениетаралық қатынас құралы ретінде зор маңызға ие болып келеді және біз Қазақстанның барлық тұрғындарына ағылшын тілін British Council жасап шығарған материалдарды және Kcell ұсынған мобильді технологияларды пайдалана отырып үйрену мүмкіндігін беруге қуаныштымыз", - деп атап өтті Лина Милошевич, Қазақстандағы British Council директоры.

"Күн тіркесі" мобильді сервисі бүкіл әлем бойынша пайдаланушыларға British Council оқу ресурстарына қол жеткізуге мүмкіндік беру мақсатында мобильді телефондар мен смартфондар арқылы ағылшын тілін үйренуге арналған British Council өнімдерінің бір болып табылады.

"Біз осындай қызықты инновациялық жобаның серіктесі болуға қуаныштымыз. SMS сервисі - бұл абоненттер арасындағы дауыстық емес ең танымал қызмет, жаңа сервистің қарапайымдығы мен ыңғайлылығы клиенттерімізге ұнайтынына үміттенеміз. Бүгін Қазақстан тұрғындарының жартысы дерлік біздің компанияның абоненттері болып табылады. Сондықтан біз "Күн фразасы" сервисінің қазақстандықтардың ағылшын тілін белсенді үйренулеріне себін тигізетіне сенімдіміз", - деп хабарлады Аида Досаева, GSM Қазақстан/Kcell корпоративтік коммуникациялар бөлімінің директоры.

Дерекнама: Қазақстан баспасөз клубы