АЛМАТЫ. Желтоқсанның 19-ы. ҚазАқпарат /Ерлік Ержанұлы/ - Бүгін Алматыда ТМД-ның 7 мемлекеті басшыларының бейресми саммиті басталады, деп хабарлайды ҚазАқпарат.

Алматы, 15 желтоқсан 2009 ж. - "Альянс Банкі" АҚ бүгін өткен кредиторлар жиналысында Банк кредиторларының көпшілік дауысымен (95,1%) қарыздарды Қайта құрылымдау жоспары мақұлданғанын қуанышпен хабарлайды.

Қазақмыс Тобы ("Қазақмыс ПЛС") Екібастұздың ГРЭС-1 станциясына бірлесіп иелік етуге қатысты "Самұрық-Қазына" АҚ-мен жаңаша келісімге қол жеткізгендігін хабарлап отыр. Жасалған келісімге сәйкес Қазақмыс Тобы "Самұрық-Қазына" АҚ-на ЕГРЭС-1 жарғылық капиталында бұрын хабарлаған 25 пайыздық қатысу үлесінің орнына 50 пайызын сатып отыр.

Қазақмыс Тобы (Қазақмыс ПЛС) Белоруссияның автомобиль зауытымен бірлесіп Қазақстанда карьерлік және арнаулы техника шығару жөнінде жаңа кәсіпорын ашуға ниетті. Жаңа техника Қарағанды құйма-машина жасау зауытының базасында жасалатын болады. "ҚазБелАЗ" БК" ЖШС-н құру жөніндегі жобада Қазақмыстың үлестік қатысуы 51 пайызды құрайтын болады, Белоруссиялық автомобиль зауытының үлесі 29 пайызды, ал ҚР ресми дилері "АСТАНАБЕЛАЗСЕРВИС К" ЖШС үлесі 20 пайызды құрайтын болады. Жобаның жалпы инвестициялық шығындары 70 млн.астам АҚШ долларын құрайды.